خلف المشعان والثقة المفرطة بالفوز ـ ما السر
 

شاعر مبدع وجميل ، ولكنه بالغ كثيرافي مدح نفسه والأمر هذا له آثار عكسيه كبيره ..

أعتقد ان المصيبه والكارثه التي ستقع على خلف اذا خرج من المسابقه ماذا ستكون ردة فعله!!!!!

أناسمعته يقول بما معناه ان الأمر منتهي ولافيه مجال حتى ان المذيع يحاول معه لكن مافيه فايده قال اذا انصفته اللجنه بيفوز!!!

يعني اذا خسر لابد ان يهاجم البرنامج واللجنه ويطعن في مصداقية البرنامج ، حيث انه ذكر ان هناك حشود تنتظر التصويت!!!


والله بصراحه أحس ان الشاعر وقع في مأزق كبير من بداية دخوله المسابقه بقوله ماني خلف ، فهل شخصية خلف ووجوده متوقف على الفوز بالمليون!!!

تحياتي

والله الشاعر من وجهه نظري هو الي يستحق البيرق قصائده تدل على تمكنه من الشعر وأنه شبعان شعر وتمكن بدرجه غير طبيعية أما بالنسبة لثقته الزائدة فهي من رايي الشخصي انه قدها لكن ماتوقع انه بيتأهل مع أني اتمنى ذلك لان معه في الحلقه واحد قطري وقطر اطنخ شعب خليجي يعني التصويت ضامنه الشاعر صالج ال مانعه المري في الجيب وانا والله اني ضايق صدري لاني أحس بنسبه 99% ان اللي بيتاهل الشاعر القطري وخلف المشعان اللي من اكبر الشعر اء المشاركين بيطلع والعلم عند الله
لكن هذي استراتيجيه البرنامج الفاشل أهم شي الفلوس اما الشعر فطاخ طيخ والدليل الوقعه الفاشلة للبرنامج في هذي النسخة والحلقه الاخيرة إذا ماصار فيها الأربعة الشعار
1-خلف المشعان
2-خالد العتيبي
3-ناصر الفراعنه
4-خليل الشبرمي التميمي
فقل على البرنامج السلام
وهذا اللي بيصير بيتاهلون شعار غلى الحلقة الأخيرة ومايستأهلون التأهل عموماً عندي كلام واجد على اللجنه لكن ماودي اطول عليكم واعذرونا على الاطالة

أوقف مدير إحدى القنوات الخليجية بث القناة التي يديرها ليبث إعلان استنجاد بأبناء إحدى القبائل للتصويت لشاعر القبيلة المشارك في برنامج شاعر المليون .

في تصرف أثار استياء عدد كبير من متابعي القناة الذين وصفوا الأمر بالدعوة العلنية للعصبية القبلية والتجاهل لعقليات المشاهدين .

القناة الخليجية !!!!!!!!!!!!!!!!!!!!!!!!!!!!!!!!!!!!!!!!

نشاهد ونشوف هذي الثقه وين بتوديه للبيرق ولا للباب الخارجي

ليش مايثق وأنا أخوك

أذا قناة الخليج لصاحبه: حمد الفارس العنزي

شغاله طول الأسبوع تطلب دعم العنوز للشاعر خلف المشعان

وطلع مشائخ من قبيلة عنزة يدعمون خلف

وتقيم حفلات دعم له في الكويت والسعودية