ياسارح على وين أنت سارح وانا خوك = ترى الليل مابه غير مسرى الذيابه
أنا خابرك منته مع القوم صعلوك = ولكن ترى منته بفارس شبابه!

تنادي ومستعجل وكنك على شوك=ومن قو صوتك كل حيٍ درابه
يامشا الله الليله ابا اقول مبروك=اشوف السميري صار شاعر عتابه

وانا أقول منته يالعتيبي بمتروك = مدام أن ربي جابه الليل جابه
إذا الشعر له صك (ن) فانا عندي أصكوك = مزكيه قاض الشعر داخل كتابه !

ولا يالسميري كان هالناس غروك=ترا الطيّب اللي مايضيّع شبابه
ليا صار جبت الهرج والهرج مشكوك=يبا ينفتح لك درب ياوسع بابه

يامعجب عسى ربي يخلي لك آبووك = أنا ماني بذابحك وانت أبن لابه !
إذا الامر بين الناس ماهو بمدروك = أعشقه ولو زادت عليّه صعابه !!

مدام الكلام السهل ماجا من البوك=تكلم وحنا ماتجينا مهابه
ليا صار درب الطيب يافلان مسلوك=ترا علقم الايام مرٍ شرابه