الهيـــــــــــــلا *** منتدى قبيلة عتيبة - هادي المنصوري يرد على القصيدة التي نسبت اليه

يا راسي ان غثك من الحاسد صداع
=====لا يشغلـك الا صـداع النـعـاره
تارد عليك اقوال واقـوال وتـذاع
=====وتورّد أوجاعك قصيـد وعبـاره
تحيةٍ من بوظبـي بعـد الاوجـاع
=====توصل لبو متعب وتوصـل لـداره
تاصل لذربين اليمانـي والاطبـاع
=====اخوان نوره منتهـى كـل غـاره
قومٍ على مد الوغـى تكسـر ذراع
=====وترد في ضلوع المعـادي نيـاره
وتفتح لباب الطيب والجود مصراع
=====وتصك بيبـان الـردى والحقـاره
اقولها مـن قلـب مانـي بمرتـاع
=====من كلمـة اللـي يلتفـت للعيـاره
يا خادم أطهر بقعتينٍ علـى القـاع
=====الجـود ورّد لـك مسـاه ونهـاره
طالت يدك في الجود باع ورى باع
=====وانساق لك عز الوطـن وافتخـاره
يا سيدي وان زاد همي بالاضـلاع
=====ما انتظر في الغيـر رد اعتبـاره
متربيٍ بالطيب وللطيـب مطـواع
=====ماني من اللي يشتكي من هجـاره
من لابةٍ تاطى على نياب الاسبـاع
=====دايم نباها فـي المغـازي بشـاره
ربعي بني منصور صلفين الاكواع
=====قومٍ على العادات رهـن الاشـاره
والا السعودي له بصدري توسّـاع
=====احفظ انـا قـدره واحفـظ وقـاره
لو حرك الواشي على لساني صراع
=====أصد انـا عنـه و احـد انتشـاره
الناس لو شافت عذق نخلك انصاع
=====ترمي عليه حجـار تبغـى ثمـاره
الحق عند الله موجود مـا ضـاع
=====وان ضاع عند الناس ما هو خساره [/size]

اخوكم هادي المنصوري