كنت في ماضي زماني شادي صوتي صدوح = وكانت آمالي أمل ذاك النطيح اليعربي
وكنت ببني في الخيال آمال وآشيد صروح = وكنت احسب الآرض لي من مشرقي لامغربي
كان ياماكان قصة راعي وبها ببوح = بوح خايف لن نمر البيد مايرحم غبي
كان ذاك الراعي المسكين يرعى في السفوح = والغنم في خير والله قال للدنيا اعشبي
والعصى تردع سمين الضأن لو كانه نطوح = والأمان يعم في دنياه حصل ما يبي
قد نسى اان الدايم الله وان ماجا قد يروح = وأن سيد قوم قد يسبى في أوطانه سبي
وإن دنيا الغاب فيها المفتري حقق طموح = والمسالم مالقى له في دياره مهربي
فجأه وفي غفلة الراعي عدى ذيب السروح = وانتقى اطيب راس في المقنى تقول إنه ضبي
عوّد الراعي من المرعى على كبشه ينوح = يختلجه الخوف من ذيب ٍ عظيم ٍ مرعبي
متعبته الرابعه والفكر في باله يلوح = يسقي الله الزمان الخالي الحر الأبي
قال من ياتي بحل ومن معي ماهو شحوح = من يخلصني من اللي في حلالي ينهبي
قال حلال العقد جب لك نمر قبل النزوح = قبل مايسترسل الذيب ويعيث ويطنبي
سلم الراعي وجاب النمر كساب المدوح = وبطش بالذيب بطشة مستبد مسهبي
والشهيه عند نمر البيد صارت في جموح = ينهب بحق وبلاحق ويهيم ويسلبي
وانبرى في الظأن ينهش في الثنيه والقروح = لين ماعاد باقي الا النمر والراعي الأبي
وانجلى كل الغمام وصار كلن في وضوح = وأصبح الراعي يقول يالله سلم منكبي

المشاركة الأصلية كتبت بواسطة معاند قمر (المشاركة 549318) الزهراني خالد قصيدة في منتهى الروعة وفي طياتها مواضيع هااامة أعجبني ذكاء الشاعر واختياره لتلك الصور الشعرية المعبرة بطريقة خفية ولكنها جميله وذكية دمت بكل الود وإنشاء الله الأمور من حسن إلى أحسن

المشاركة الأصلية كتبت بواسطة هـايـل الـعـتـيـبـي (المشاركة 549290) الله الله صح لسانك يا خالد الزهراني اسال الله لك التوفيق الى الامام

المشاركة الأصلية كتبت بواسطة عبدالرحمن الهيلوم (المشاركة 549336) مشكووووووووور يالغالي

المشاركة الأصلية كتبت بواسطة محب الهيلا (المشاركة 549308) مشكور وماقصرت