البخل طبع مستحيلٍ علاجه = والجود طب لكل الامراض وعلاج .
جيت الرفيق اللي بشوش حجاجه = اللي بحزات الرخى مثل هداج .
ولاّ بوقت الضيق مثل الخواجه = سلم العرب عنده خرابيط وازعاج .
قال العلوم وقلت طلاب حاجه = حاجة يسر ماهي تكاليف واحراج .
إن كلفت يكفي العذر والمواجه = وإن جات من يسر صاحبك محتاج .
واومى براسه مثل راس الدجاجه = وهز المتون وراح وجهه كما الصاج .
واقفيت من عنده مطفي سراجه = لي غايةٍ ماعطيتها كل هراج .
عرض العلوم لغير اهلها سماجه = والصاحب الطيب له الدرب ينعاج .
كل ازمةٍ ياتي بعدها انفراجه = ياليت كل اصحابنا مثل سهاج .
الصاحب اللي ماتعكر مزاجه = ولا حط له كثر المعاذير منهاج .
ولاّ الردي صيده يضيع بعجاجه = ماتسبقه في سرعة الروغ ميراج .