فالك المليار يـا نشـوي الروينـي=خلّي المليـون للـيّ صفقـوا لـه
فـي سجّـل مشجّعينـك سجّلينـي=بعد ما فزتي على عيـال الحمولـه
لا جمعتيهم علـى سمـن وسمينـي=أسمني .. وأخذي من السمن العموله
جـابـك الله للبـنـات وللبنيـنـي=والولد مهبول .. والبنـت مهبولـه
تاجـري بعقولـهـم والله يعيـنـي=يوم قـام العنصـري يتبـع ميولـه
حرّكي فزعاتهم فـي كـلّ حينـي=وخلّي النخوه تقـول اللـي تقولـه
بالرسايل من يسـار ومـن يمينـي=جاك فزّاع العرب يشعـب ذلولـه
هكـذا حنّـا علـى مـرّ السنينـي=ما نمثّـل غيـر بـأدوار البطولـه
فـي دولنـا .. زادوا المتنبّييـنـي=وكلّ متنبّي لقـا لـه سيـف دولـه
يذبـح ويصلـخ ويومـي باليدينـي=بالحركـات البطـيّـه والعجـولـه
كـل مـا زوّد حماسـه حبّتيـنـي=أنتثـر حبّـه وشالـه فـي حثولـه
يجلب المحضور بيـن المسلمي=نـيوالجماهيـر المجانيـن أهتفـوالـه
يحسب أنه يملـك العقـل الذهي=نـيينظم من الوهـم مرجانـه ولولـه
لو فرضنا الشّعـر مدلولـه ثمينـي=أستباحوا فرضه وعرضه وطولـه
روضة ٍ عيّـت تسـرّ الناظرينـي=وكلّنا دارين في الوضـع وحلولـه
ما نعيـش بخيـر وحنّـا غافلينـي=عن كتاب الله وعن سنّـة رسولـه