مرحبا ترحيب غالي للرجال اهل الموده=من هجوس الشاعر الي لاوقف يعرف خراجه
جارنا عبدالله الي عارفن حدي وحده=قلت اكيد انه من الي صار شوشله مزاجه

البقى بالشعار الي مال عيني عنه صده = من هجوس ٍ ترطن الليله مثل رطن الخواجه
مازعلنا والعوض في صاحبٍ ماباح سده = صاحب ٍ في ظلمة الايام مايطفي سراجه

يالعتيبي والله ان اللي تعدونه نعده=يوم بع الناس يبرد فالمواقف مايواجه
فيه رجلن ياعبد الله اثهره من طرش جده=يتسمى بالعتيبي ماله اصل ابن اللحاجه

كل رجل ٍ ياالعتيبي لقمته من حوق يده = والمرض ياصاحبي دٌور على الوصفه علاجه
كان هذا الحال صاير نعنبو عمٌه وجده = لو يسميها قصور ولو يسميها سماجه

كل رجل ن ماتجيه المرجله غير ابمكده= مار عيب الموتر اليا صار فالشاص انعواجه
يا عبدالله صار هذا الحال عنا العلم رده=مار والله ماحسبنا للفقيه ولادجاجه

حط راسك ياطويل العمر من فوق المخده = لا تشيل الهٌم دام الزيت يقلي فوق صاجه
البعير الي تقوله بان وسمه فوق خده = مايروح الوسم لو يصبغ بروجه ومكياجه

من بنى بيته على ساس المعزه مايهده=مار رمش العين مهما كان يقرب من حجاجه
البعير اللي نقوله ودك انه لم رده=مار انا ابصبروبعد الصبر لابد انفراجه