الهيـــــــــــــلا *** منتدى قبيلة عتيبة - وما كل من سمي صقر يشبه صقور ### كم من صقر وقت الشدايـد دجاجـه

السلام عليكم ورحمة الله وبركاته

يقال انها (( مبارك بن حضيض الفنيدل )) من شمر

ما كل من يضحك بدنيـاه مسـرور ### لو ضحكته دايـم تحـرك حجاجـه
وما كل من يبكي من الناس مقهـور ### بعض الدموع رخاص من شان حاجه
وما كل صادق لو حكا لك من شعور ### يا كثر من زيف المشاعـر خراجـه
وما كل ما يخفا من السـر مستـور ### بعض الوجيه ابين من ارهف زجاجه
وما كل بيتٍ بابه انصـك مهجـور ### كم بيتٍ اطفا الشح واهـج سراجـه
وما كل وردٍ تزرعه ينثـر عطـور ### لو ماه صافي مـا يخالـط هماجـه
وما كل مرهف قلب لو يزرع زهور ### قلب يحب الورد وهو مثـل صاجـه
وما كل من يخطي من الناس معذور ### البعض يخطي من علـوم العواجـه
وما كل من يسكت على الظيم مجبور ### لجل الغلا ساكت ويدعـي انفراجـه
وما كل راسٍ ضيع الفكر مسحـور ### كم راس سحر الحب جاب ارتجاجـه
وما كل عله فادهـا طـب دكتـور ### كم من عليلٍ وصـل خلـه علاجـه
وما كل من شاور حكيمٍ خذا الشـور ### بعض البشر مـا يقنـع الا مزاجـه
وما كل من سمي صقر يشبه صقور ### كم من صقر وقت الشدايـد دجاجـه
وما كل فزاع لجـل مـدح مشكـور ### البعـض مرجلتـه وسامـه وتاجـه