مرحبا ترحيب وافي بالسلام وبالتحيه=في محل العزوه الي طيبها من طيب اهلها
اقرب الشعار يقرب كان يبغاله هديه=والهديه عقب شيلات الحمول اليا احتملها

البقاء بالشاعر اللي يجذبه عرق الحميه=من عيال الشايب اللي وقفتة ماحد(ن)جهلها
كيف تاتهدي هديه وانت في وسط الحويه=والهديه ماملكها فالحويه من نزلها

انت يسلمان اشوفك من نحيه في نحيه=مالقيت الشغله الي ودك انك تشتغلها
الهديه فالحويه حتا في مقلع طميه =مار خلك فالمحاني ديرتن محدن جهلها

يامحمد لاتعنصر ماتفيد العنصريه=منت رزاق الاوادم ربك اللي هو كفلها
فالمحاني وانت خليت المحاني ولك نيه=في ديار(ن)ظلعها ماهو بثابت في سهلها