نامي

عند الرجال اهل الكرم والعرف والجد العريب=يامرحـبـا ترحيـبـة الـلـي يكسـبـون الاولــة
يالعازمي في تالي الايام ماشفت الذهيـب=لـيـا رجــع يامرحـبـا ولـيـا غــدا الله يعـقـلـه

عبد العزيز

باسم الرجال اللي مواقفهم تزيد الطيب طيب=دام البـقـا والاولــه مـاهـي علـيـك مفـصـلـه
انتـه تـدور للذهيـب وفيـه فـوق الضلـع ذيـب=ان كان ماتلحق ذهيبك فانت عنـدك مشكلـه

نامي

اثرك ليااوحيت المنادي يالعتيبي ماتجيب=وانـا كسبـت الاولـه يـوم اللـيـال مهـولـه
هذا ذهيبك خبر انه ذيب في حيد القليب=لكن تال الوقت يده مسلسله بالسلسله

عبدالعزيز

ليا زهمت العازمي باسمه لك الله مايغيب=والامــر هـيـن والليـالـي للعـبـاد مـطـولـه
الذيب ماهو فالقليب اللي تسمع له قنيب=انتـه تجاهـل والصحيـح المعتبـر ماتجهـلـه

نامي

تضحك على العربان مير الضحك عند الناس عيب=لكـن ربــك يـجـزي المسـلـم عـلـى قــد عمـلـه
تـال الليـال الذيـب مـن دونــه يحـولـن الشعـيـب=ولـيـا فـتـحـت الـبــاب حـنــا لاجـلـكـم مانقـفـلـه

عبدالعزيز

انته ليا هالحين ماتاطا على العظـم الصليـب=اعمل عملك اللي يناسب والحساب تحصلـه
حنا نردك عن طبوعك وانت في طبعك غريب=الله يجـيـب الـذيـب لـــك يـاكـلـك والا تـاكـلـه

نامي

عظمي صليب وفي نهار الحرب كيدن للحريب=والـلـي يجيـنـا منـكـم نـقــرا عـلـيـه الـزلـزلـه
الوقـت شيـب صاحبـي قـدام ياتيـه المشيـب=ماهـكـذا يالعـازمـي مـاكـن عـنــدك مـرجـلـه

عبدالعزيز

انته تحدث فالخلا وانا على المنبر خطيب=واللي تبا تقرا من المصحـف لـزوم ترتلـه
البندق اللي مالها نيشان لايمكن تصيـب=وش رايك الموضوع يانامي هـذاك تبدلـه

نامي

انته على المنبـر جروحـك مايداويهـا الطبيـب=لـكـن حـنـا كــل رجــل إنـزلـه فــي مـنـزلـه
ماني زبون البندق اللي منكسر فيها الصليب=وانا احسب انك رجل ماتصعب عليك المسأله

عبدالعزيز

ان كان هذي نيتك وشلون ابعدك صحيب=منزلك عنـد اصحابـك العتبـان لازم تقبلـه