ليا لاح لخيال العرف والمعنى رقى بسنود=على وضح النقا ممشى هل الطيبه وباغيها
سلام الله عليكم يا بحورٍ عرفها مقصود=سلامٍ يسمعه باغي حرم مكه وساعيها

ليا منّك بغيت العرف والمعنى هنا موجود=على وضح النقا ياصاحبي جبها نسريها
هلا يامرحبا ترحيبةٍ تبعد عن المنقود=تراحيبٍ نزيهه و النذاله ماتجي فيها

يدوم الك البقا والمعرفه بين الرجال قيود=يثور لها مفازيعٍ تنومسها غوانيها
ولا يا سارح المغزى على الغازي وراس العود=وانا مبعد عن الواشي وهادمها وبانيها

لنا فالمعرفه ياصاحبي والدردشات حدود=يفز الها ياحفراوي شغاميم وعوانيها
ليا حان اللزوم الرجل يحمي تاليات الذود=وانا والله ماحب الفلسفه واكره مباديها