ياوصل يا بن عاصم المشرفين
 

[poet font="Simplified Arabic,6,black,bold,normal" bkcolor="white" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
مع التحيه
اللمشرفين على منتدى المحاوره
الكرام

ياوصل يابن عاصم المشرفين =جزل المعاني دقت اجراسها
ما بينكم ياثنين واحد يبين =ويحسب لها بخماس واسداسها
[/poet]

عزيزي :مرزوق العطاوي


استأذن من الاخوه المشرفين للرد عليك .


لعلمي بأن الاخ وصل العطياني مشغول ها اليومين لاختباراته الجامعيه

وعلى هذا الاساس قام بإيقاف المحاورة المباشرة


وعلى أمل عودته لنا سالماً ناجحاً:D


وإستلم:



[poet font="Simplified Arabic,4,black,normal,normal" bkcolor="white" bkimage="backgrounds/17.gif" border="ridge,10,teal" type=0 line=200% align=center use=ex length=0 char="" num="0,black" filter=" glow(color=white,strength=15)"]
جزل المعاني بيننا ياثنين=والمشرفين تكمل أدراسها
ميعادنا قدام والله يعين=إعرف عزم نفسك ومقياسها
[/poet]

هلا وغلا يامرزوق.

والساعه المباركه اللي جمعتنا


والمحاني بخير ولاناقصها الا شوفتك ( ترى هذي عزيمه)

واستلم يا غالي:


دام البقا وانته من الغانمين

......................................... اللي بفعل الطيب نوماسها

فتح عيونك والطريق اليمين

......................................... ترى المعاني محتمي باسها

يامرحبا وهلا ياخوي طلال00
والاهي غريبه الطيبه عليكم والعزيمه وانتم اهلها وعساكم فى المراد0 000
وبالصراحه قلي ان كانك الان من ساكان ا لمحاني 0عندي موضوع هناك اباخذ رايك فيه0

استلم لاهنت



وانته يبن ثعـــلي من الطيــبين

--------------------------قومٍ لنا0 والــطيب 0نبراســها

اشوف واسمع ياحمر العينين

-------------------------واعرف ذهبها زين وانحاسها

الله يبقيك ياخوي مرزوق

ولاعليكم زود ياعيال العم والله يبقيكم

نعم من سكان المحاني .وانت تأمر واي شي تطلبه انا مستعد

واستلم:
ياجعلكم ياربعنا سالمين

.............................. اللي مقر الجود من ساسها

ابا انشدك ياصاحبي هالحين
................................... ديرتك ماعينت عساسها

استلم ياطلال لاهنت وبعدين بارسلك على الخاص واكلمك

الله يعز اهل الوفاء والدين
------------في حاضر الدنيا ودراسها
واليا نشدت اجدادنا الاولين
-------------بواد المحاني تغرس اغراسها

وصلت يا مرزوق وابشر:

الله يرفع كلمة المسلمين
................................. ويعز دولتنا بحراسها

ديرتك لو خليتها يافطين

............................. الذيب يارجال قد حاسها

[poet font="Simplified Arabic,6,blue,bold,normal" bkcolor="white" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
ياطلال
مباركٍ عليكم وعلى جميع
المسلمين شهر رمضان المبارك
استلم0لاهنت



امين ياطـــــلال0 قول امين =وعدوانها تحمس بمحماسها



غبنا وصارو ربعنا طامعين=للبـــطل0 ناسٍ تلبس لباسها


[/poet]

الله يبارك فيك

وتقبل الله منا ومنكم صالح الاعمال

واستلم:

مافيه غير الصبر للصابرين=والصبر يطرد عنك وسواسها

والذيب مايأكل عشا ابا الحصين= ماوده انه يجرح احساسها