الا يامرحبا في موقع عتيبة هل الطالات=عتيبة فعلهم قي حاضر الدنيا وماضيها
تقدم يا السميري وانت شاعر وابرك الاوقات=والا يامكثر العالم تخمخمها وتخطيها

يدوم الك البقا يلي ترحب والوفاء ما مات = مادام أن العتيبي حيّ تحى يوم يحييها
واظنك شاعرٍ تصمّل ليا من ثقلت الوقفات = هذا مبدى علومك مار مدري ويش تاليها!!

ترى بعض العرب في الملعبة هيكل مع الاصوات= يشب النار من زنده ولكن مايطفيها
انا شاعرولي ماقف ولي هقوة على الهقوات=وانا راع العلوم الطيبة في اول مباديها

ليا من شب ناره تحرق أرجولٍ عليها جات = يقولون العرب ( والنار تحرق رجل واطيها )!
ونعم وكفوو ووزيادة ولكن تلحقك خمّاات = جنون الأرض يابن العم مانبغى نصحيها

علامك يا السميري قمت تصفقها على المجهات=اشوفك قمت تجهلها بعد بانت مواريها
ونعمً ابك يا ابن سامر ولا تقرب من الزلات=نعرفُ ان العلوم الطيبة من حض راعيها