الهيـــــــــــــلا   *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   الشعر الشعبي (http://www.otaibah.net/m/forumdisplay.php?f=9)
-   -   قصيده جديد لشاعر /محمد ابو عبيه مع الرد عليها (http://www.otaibah.net/m/showthread.php?t=59939)

سلطان ابراهيم 31-Jan-2008 11:05 AM

قصيده جديد لشاعر /محمد ابو عبيه مع الرد عليها
 
اخواني وخواتي في منتدى الهيلا سلمكم الله
السلام عليكم ورحمة الله وبركاته وبعد
اليكم


هذه ا لقصيده موجهة إلى الشاعر / هضيبان ابراهيم العتيبي من الشاعر الشاب / محمد بن عبد العزيز بن سلطان ابوعبيه المقاطي

راكب اللي سا يقه ما يدور له بد يل = وارداليابان من شاف شكله حشمه
جيب لا ندكروزر اسطب لكزس للعميل = فخموه اهل الصناعة وحازالاوسمه
هيبته وسط المواتر كماعود ثقيل = عوديعز الخوي والمعادي يكعمه
وصوته ليا فز من ماقفه مثل الصهيل = من يجاكرحضرته بالبراعة يلجمه
وكن صوته لاسرى يطوي الخط الطويل = صوت ترف بالهدوجاوب اللي كلمه
وكن لونه در بكر يفيض ابه الصميل = عين فيه مبحلقه عين عنه مسلهمه
اشهدان الجيب للمشتري ماله مثيل = رغب البدوان بالتقنية والعولمه
كم مالت كلمة قبل شوفه ما تميل = وكم شاوي عقب ما شافه ارثع في غنمه
سايقه ياسايقه نحره يمة سهيل = وبالعوم اللي معك يالسنافي علمه
مير قبل تقولها هاك نبذه دون اطيل = عن رفيق عايم فالبحور المعتمه
ابونايف وادي بالكرم دايم يسيل = الرفيق يعاونه والمسير يكرمه
وابونايف نسل قوم يعزون الدخيل = ونسل عود شارب الضيف دوم يدسمه
المراجل نالها لين صارت له حصيل = فيه حلم وعلم والشور فكره يحكمه
لو يزود المدح في مثله اعتبره قليل = واتكابر بيت واحد يغنى في رخمه
رافق اللي رفقته طب للقلب العليل = الامير اللي على العز خفاق علمه
الامير اللي ليا شب زند فالفتيل = عن ذراعه شمر ومن تعدى يلطمه
ولوصار الطيب رجال واسمه له دليل = كان تلقى اميرنا بالمناكب يدحمه
يحضر ابن حميد في ساعة الخطب الجليل = وفي دروب الطايله والنقا سج قدمه
نسل من يشهد لهم فالقسا السيف الصقيل = قسمهم معروف والرزق ربي يقسمه
ياند يبي قل لبونايف اني كل ليل = اسهر اخيل القمر والكواكب مظلمه
وحزة يغيب القمر اتولم للرحيل = وما بنيته من هواجيس ارجع اهدمه
كل هامل يا ابن حد وى يجري له ذليل = من لقا له هامل جاب ميسم واوسمه
الحمل عند الجمل كان ما يقدر يشيل = يفرح اللي يكرهه يزعل اللي ينهمه
وعدنا المخبور يا صاحبي ما هو سبيل = والاصيله تنكسب ما تقدم مكرمه
الاصيله ما تبا فارس حجمه ضئيل = ولابداله لازمٍ ما يدور محزمه
يا هضيبان الوعد غبة البحر المهيل = دولة متسيده والدول مستسلمه
والرساله ثابته قدم عينك ماتز يل = خطها ما ينمحي مثل خط المرسمه
والسلام اختام مالاح برقِِ في مخيل = وكل سرخافيً عند ربك يعلمه




هذي القصيده رد على قصيدة الشاعر محمد ابوعبيه من الشاعر/ هضيبان ابن ابراهيم العتيبي
مرحباترحيب وافي عددماساج ميل = في عيون اللي لهن بيننا قدروسمه
وعدماكبر مكبر وهلل بتهليل = وعدماطافة على البيت ناسن محرمه
وعدما ظلت غصون الشجر وقت المقيل = وعدكل الناس كفارها والمسلمه
فيك يامرسول راع الوفا ذاك الزميل = ابن عمن كلنا مانسينا مسهمه
ذخرمن هولاتعلى على سرج الاصيل = مايسده من قبيله ياكود الجمجمه
وبالكرم معروف دايم على بيته نز يل = ونار بيته ماطفت للطراقي مشعمه
يوم جوله من بعيد الدير ماهو بخيل = راس ماله بس ظيرين والحق الزمه
ظيرهن واحد وخلاه لضيوفه قتيل = وخلجن وداجن النزل حن ودرهمه
وبالشعر شعره بقى جزل من جيلاً لجيل = وشيخ قحطان ابن هادي شهوده بقلمه
هوتني جدك وقولى صحيحاً مستحيل = احداً يخطيه والصدق عندي يدعمه
ياحفيد اللى ليا صاحوا يفك الد بيل = لاغرابه لوتقدم مثل ماقدمه
جاني المرسول والفال له بنا وهيل = والعقال الواجب اللى علينا نفهمه
جاب لي خطك وعلمك فهمته يا سليل = الوفا والطيب لا علنا مانعدمه
واستمع للرد واضح عبرقافاً جز يل = سابكه ثم حابكه يعني اني مبرمه
اتشرف يوم تذكر ذاك اللي يكيل = المراجل كلها وسط كيله مقحمه
الامير اللي ليا قال قوله سلسبيل = حكمت لسا نه تخل الجميع اتحكمه
اتشرف يوم اخاويه واطرب واستخيل = وتنومس فيه جعل الكريم يسلمه
الامير محمد معزبي راع الجميل = موقفه دايم يجمل رفيقاً يزهمه
هومحمد ذخرنايف على الدعوى وكيل = ابن جهجاه المسمى ما جتله خمخمه
ورث ابوه ورث جده كفاه عن الهز يل = الله يعزه ومن مات ربي يرحمه
هومحمد ذخر نايف يلطم من يعيل = كل من شافه سكت ما قدر يفتح فمه
هوزبون المرجله شوق ظافية الجد يل = بالرزانه يازن النير وضلع المردمه
والحمل معروف شاله عن العاجز شعيل = ولامانه عند مامونها ومسلمه
الا صيله فوقها اللي ليا ادنا له بخيل = عن لقاه تصد واللي يقابل يهزمه
وعدنا من فوق جاله لا يمكن نستقيل = دونه اللي فالقاءيحرق الضد انسمه
ولا علينا من كلام الخبيل ابن الخبيل = قافلتنا ماشيه والرماح مولمه
والمطبل راس ماله يعود بالطبيل = يا ابوعبيه وقولي ما يبغي ترجمه
والختام اقول قولاً ويلقا له ذبيل = راعي الماضي هو اللي يقود الملحمه



منقول

سلطان ابراهيم 15-Mar-2008 09:11 AM

الاخوه ماهي عاداتكم مشاهدات بدون ردود


لماذا

هل في القصيدتان شي من الغموض مافهمتوه



هذا وشاكرين مشاهدات 43 ولا و بدون ردود



تحيه للجميع

الهايم بالهيلا 21-Mar-2008 07:00 PM

صح الله لسان الاثنين

محمد أبوعبية وهضيبان ابراهيم

على الققصائد الجزلة وبارك الله فيكم

ولاتحرمنا من جديدك ياسلطان

سلطان ابراهيم 23-Mar-2008 05:17 PM

اقتباس:

المشاركة الأصلية كتبت بواسطة الهايم بالهيلا (المشاركة 597664)
صح الله لسان الاثنين

محمد أبوعبية وهضيبان ابراهيم

على الققصائد الجزلة وبارك الله فيكم

ولاتحرمنا من جديدك ياسلطان


الهايم بالهيلا


الله يعطيك العافيه على المرور وصح بدنك ولسان يالذ يب


اما من ناحية المشاركات فاني اصبة بلاحباط من قبل الاعضاء


والمشرفين على حدن سوى ولاعاد فيه تشجيع على المشاركات


حتى ولو بكلمة شكراً الان هذا الموضوع لها مايقارب الشهر ولاحدن


مر عليه غيركم مغير يشاهدون ويمشون مما يخلي الواحد يتراخا


عن المشاركات


هذا لك ودي وحترامي على هذا التشريف

فيصل البرقاوي 26-Mar-2008 01:35 AM

صح الله لسان الاثنين

محمد أبوعبية وهضيبان ابراهيم

على الققصائد الجزلة وبارك الله فيكم
ويعطيك الف عافيه على الموضوع


الساعة الآن »09:14 AM.

 Arabization iraq chooses life
Powered by vBulletin® Version 3.8.2
.Copyright ©2000 - 2024, Jelsoft Enterprises Ltd