قصيده للشاعر الكبير سلطان بن وسام الهاجري في شاعر المليون ؟؟
 

السلام عليكم ورحمة الله وبركاته
أنا يازماني في فوادي ثلاث طعون 000 ولا هي بطعنه من سيوف او سكاكيني

من أفتح ياسمسم والا يافلم ابوكرتون000 أمورن تغث اكبود حتى الوراعيني

وجمهوري الغالي يسوق الشره ويمون 000 ونا قد شرهات العتب من محبيني

يقولون ما شاركت وأقول هل توحون 000 أبي كل واحد يفتح اذنه ويوحيني

لا بالله ما شاركت في شاعر المليون 000 لوأني على المليون تومي شراييني
ولكن انا ماني بخبل ولا مجنون 000 اجي وقطع ارزاق الضعوف المساكيني

والامر والادهى علي للرجال أديون 000 ومليون واحد مايسدد دياييني
الا ياحمام الورق يا اللي تجر الحون 000 تغانم زمانك بين خضر البساتيني
تراها لا ركبت كل الجمره على الغليون 000 وراد الله انه يصفي الماء من الطيني
حشرنا الضباء بقرون والابدون اقرون 000 أقرون الظبي تصلى على النار وتليني
مثل ما وطى هامان والا وطى فرعون 000 ثياب الشرف ماتستر الا الشريفيني
يا لاجواد مدت للمواهب اكفوف العون 000 وهاذي صفات من صفات الكريميني

والاقزام تهدم كل ما أهل الكرم يبنون 000 أصروح من الامجاد ماهي من الطيني
بنتها الكفوف اللي كرمها سحاب أمزون 000 أرموز البطوله نصرة الحق والديني

غضبهم وأنا سلطان يهتز منه الكون 000 وكرمهم تربع فيه حتى البعاريني
أجبال قممها فوق والها حجا وركون 000 اليا مر طاريها على الراس والعيني
بطوله عربيه وتاريخها مصيون 000 عن الاستهانه با القيم والقوانيني
واليامن لحقني من زماني جفا وغبون 000 تذكرتهم ومسيت في رأس عليني
عسا الله يهونها على الناس لين تهون 000 وتزين القرايه فوق روس المجانيني
أضعاف العقول اللي تهبد على مالون 000 على كل ملواح تهز الجناحيني

ماتنظف يديهم لو تغسل من الصابون 000 كثر ما تقدمها على الزين والشيني

شعر الشاعر سلطان بن وسام الهاجري ( الوزن الثقيل )

صح لسانه وتسلم على المشاركه


وتقبل ومروري

صح لسان قائلها ولا هان ناقلها


وسلطان الهاجري من الشعراء المفضلين لدي ومن فحول الشعر

شكرا علي المرروريالغالين

بسم الله الرحمن الرحيم


السلام عليكم ورحمة الله وبركاتة


صح السان الشاعر سلطان الهاجري وبيض الله وحهك الهيلوم




وتقبل تحياتي