الهيـــــــــــــلا *** منتدى قبيلة عتيبة - القصيدة التى ادخلت صقر الهيلا الى شاعر المليون


	من ابداعات الصقر محمد الحويماني العتيبي الهيلاوي التى أهلته الى مرحلة ال48

يافهد من شفت زولك بينهم روح خيالي

.........................يقطع بحور الزمان الاولي عرضه وطوله

قمت اهوجس واتذكر طيشنا ذيك الليالي

........................يوم كنا صغار تحكمنا برأات الطفوله

يوم كان اقصى طموح لنا ...نروح لبيت خالي

........................وكيف كنا ننتهي من واجب (الخط وأصوله )

اذكرك ...يومك تجيني ...كنت انا جالس لحالي

.......................واتفقد جيب ثوبي وألعن الفقر وفضوله

يوم شفتك ...هل دمعي (يافهد دور ريالي ؟)

.......................وانت تمسح دمعتي بايديك ...وأحساس الرجوله

تقطع ريالك ..تقول (أمسك ولاتبكي قبالي )

.
......................وكننا من بعد هذا كل مانبغى ....ننوله

وأذكرك يوم انت تلبس غترتي ...ولا عقالي

.......................ثم تجلس في مكان ابوي ...وعيوني ذهوله

والله انك يافهد في وقتها شكلك خيالي

........................والله انك كل مالديت ..اقول الزول زوله

يافهد والخمسه وعشرين مرت ياظلالي

......................قدر الله والسنين بطبعها دائم عجوله

يافهد وانت الوحيد اللي يعرف ان ضاق بالي

.......................قبل ماشكي قبل مادمعي يبادر في هطوله

يافهد وان شفت دمعي يوم عرسك لا تبالي

....................كل مافي الامر فرح ماقدرت انطق واقوله !!