ياوالي امرك على كـل والـي=ياللي ليا ناجـاك عبـدك تجيبـه
يارب من مدات جـودك نسالـي=مافيـه غيـرك واحـد ٍ نلتجيبـه
ولاصار منهاج القصيد استوالـي=باطرق محاريفه لو انهـا اتعيبـه
ومادام جا للمدح واهلـه مجالـي=القـاف ياهونـه ومبعـد مشيبـه
ياعتبيـه الهيلا0رجـال الكمالـي=تاريخكم كل الشعـوب اتحكيبـه
ياللي عبرتوها جنـوب وشمالـي=يوم الفتن بين الحريـب وحريبـه
وياهل البيوت اللي عمدها اطوالي=وقت المشاحي والظروف الصعيبه
وياهل القنا 0يامحتميـن التوالـي=يوم العوادي يطرحون الضريبـه
رجالكـم يـوم التحـام ارجالـي=كسب العلوم الغانمه مـن نصيبـه
يوم ان خيـال الاصيلـه يلالـي=اظهورهـا يافايديـن الكسيـبـه
يوم الشلافي والرمك والسلالـي=امفرقـه بيـن الحبيـب وحبيبـه
في حـزة ٍ للصافنـات اجتوالـي=ماحدٍ خذاهـا غيركـم بالغصيبـه
والحمـد لله طيبـكـم لايـزالـي=بيت الوفا والطيب ماضاع طيبـه
اسلومكـم ماغيرتـهـا الليـالـي=وتاريخكم مافيـه شكـه وريبـه
وعزومكم منهـا تخـف الثقالـي=ووقعاتكم يـوم الوقايـع عطيبـه
وانتم هل البل مرخصة كل غالي=والبل معا هلهـا معـزه وهيبـه
قلته وانا ربعـي تجمـل مقالـي=شهران مسقيـن العـداة الغليبـه
لاصار للبـارود لسـود اظلالـي=ياما ترامـا قُدمهـم مـن كتيبـه
وكل القبايل قدرهـا قـدر عالـي=ولاتلحّـق ســب ولا معيـبـه
واقول ماقد قلـت فّـول وتالـي=الله يكـثـر خيـركـم ياعتبـيـه

المشاركة الأصلية كتبت بواسطة هـايـل الـعـتـيـبـي (المشاركة 538960) كفووو الشاعر عبدالرحمن بن بديع الشهراني الله يبيض وجهه ووجهك اخوي الصف الواحد لاهنت وقواك الله ونعم في شهران العريضه كلها الى الامام اخوي