ياخي أرفع بنطلونك وأمش زي الناس ياخي=لعنبو دلك علامك مابقى للغرب باقي
ياحزن عيني وقلبي يوم شفت الجنز راخي=استدار أبي زماني واشتكى والبال ضاقي
ليه من جرف انحدرنا وخزةٍ ثم أنتفاخي=جيل يحبط كل عاقل جاء بعد جيل الطواقي
مايناسب طقسنا ولاهو مناسب للمناخي=نامت عيون الشوارع والبلد ماعاد فاقي
ضيعوا كل العوايد والقيم جاها انشراخي=والمبادئ تزفر الحاضر وتشهق بـ أختناقي
ثايرة يوم أهتكوها ولوثوها بـ اتساخي=والسلوم اللي تنادي شاقها الماض اشتياقي
من يجاوبها وصداها في زوايا اليوم صاخي=من يريحها ويجمع من شتات ومن بواقي
الحدث يدور فيني يبترم والراس داخي=(والشياطين اركبتني تصطفق فيني اصطفاقي)
شئ شفته وأكتشفته يسلخ العرف انسلاخي=ياعرب بالله عليكم لا يضيع الاتفاقي
أتركوها جنبوها وللقبايل خص ناخي=السلاسل والشعور بجنزها ماهي مهاقي
قلتها وفي وسط قلبي يطبخ الهم أطْباخي=يشتعل بين الحنايا آه من قو أحتراقي
من بدعها وأتبعها فالنعم ماهوب زاخي=وكان جاته زختينٍ كلها كذب ونفاقي

الشامخ.العتيبي

المشاركة الأصلية كتبت بواسطة ابومشعاب (المشاركة 537722) الله اكبر عليك الله اكبر عليك شامخ بالاخلاق وشامخ بالابداع وشامخ اعجابي بشامخ العتيبي .. ... قصيده لاتحتاج الى تعليق .. .. فعلا موضوع يحز في خاطر العقلاء .. .. شامخ العتيبي بارك الله فيك.. .. اعتقد ان القصيده تستحق التثبيت .. واتمنى ذلك .. ..

المشاركة الأصلية كتبت بواسطة Man من العتبان (المشاركة 537735) الشامخ العتيبي صح لسانك ابداع قصيدة رائعه وكملت زينة مقاله الهيلوم أضم صوتي لصوت اخوي ابومشعاب فعلن تستحق التثبيت

المشاركة الأصلية كتبت بواسطة فهد رشيد الزلامي (المشاركة 537767) قصيده شامخه ومعبره ككاتبها وتقبل تحياتي

المشاركة الأصلية كتبت بواسطة شامان الاسعدي (المشاركة 537773) بارك الله فيك

المشاركة الأصلية كتبت بواسطة عبدالرحمن الهيلوم (المشاركة 537916) مشكووووووووور يالغالي علي التواصل

المشاركة الأصلية كتبت بواسطة ناصر العصيمي (المشاركة 538009) اخي الكريم الشامخ بعد التحيه صح لسانك يالغالي ...