الهيـــــــــــــلا *** منتدى قبيلة عتيبة - الدروس قصيده للشاعر سلطان بن وسام الهاجري

السلام عليكم ورحمة الله وبركاته

انت ياللي دوب ذعذع لك النسناس كوس --- وتشتري وتبيع مابين روم وبين فرس
ولا أنا معاد تشطني علوم العسوس --- في زمان شرس وانا بعد قاسي وشرس
ماعشقت من الغنادير كود العيطموس --- ترفة الاقدام وعيونها الثنتين خرس
وثرها طليقة العام والليله عروس ---- كل مادارت سنه لبسوها ثوب عرس
هيه ياللي ماتعلمت من وقتك دروس ---- خذ علوم اللي خذا الوقت كله درس درس
لاتظلي طول الايام رأس تحت موس -- - اجتلد وقطف ثمر وغرس المعروف غرس
مايشيل الضرس ياكود قلاع الضروس ---- ون قلع لك ضرس واحد قلعها ضرس ضرس
لاتثني عزم المسكين وضعاف النفوس ---- استعن بالله يارأسي الاقدام وارس
مثل ماقالو هل العرف دوس الراي دوس --- انحت اسمك نحت ماهوب حبر فوق طرس
ايه ياللي ماتعلمت من وقتك ادروس ---- خذ علوم اللي خذا الوقت كله درس درس

الشاعر : سلطان الهاجري
ابو وسام