البوش حل بمنطقتنا قادمٍ من تل ابيب=ماهو هلا بالبوش واللي رافقه في جيته
الزاير اللي قوته باجواء سمانا ماتغيب=من حاملات الطائرات وسفنه وبحريته
رئس امريكا المجرم السفاح حمال الصليب=واهل الخليج يطبلون لبوش مع زنجيته
دنس بلاد المعتصم والعاصمه وابو غريب=لارحم ابوه ولعن ابو من يلتحق بمعيته
العالم اجمع يكرهونه من بعيد ومن قريب=زنديق متغطرس وصهيوني وبانت نيته
واعريبيا ماتتعض من فعلة الوجه الغضيب=ومخططه بالشرق الاوسط كله وسريته
يقرع طبول الحرب بالمشرق ونيران اللهيب=وان غلقت ماهيته جانا يبي ماهتيته
راع البقرمن صغرته ضاري على شرب الحليب=وطمع في البان الخليج وزبده وطعميته
نتوسله يفزع لنا ويحرر القدس السليب=بعد تخاذلنا عن مجابهته وحربيته
اكبر عدو للعرب بوش الابن واشرس حريب=نقرا العداوه في محياه ومظاهر هيئته
كفا كفا للمنبطح ينهض والانبطاح عيب=واليعربي لو انخدع يعتتز بعروبيته
ونجاد ماحدٍ يأمنه في سيرته وامره عجيب=واحنا نشكك في خطاباته ومصداقيته
جارٍ خطير وغامض وتفكيره المضمر غريب=حول الخليج الفارسي محتجا بملكيته
واحنا غدينا بين بوش وبين نجاد الحبيب=والكل منهم يطمع بفريسته واضحيته
الله يكافي شرهم واشرار اهالي تل ابيب=وتنصر رجال الدين واللي يحكم بشرعيته

يقرع طبول الحرب بالمشرق ونيران اللهيـب
............................وان غلقـت ماهيتـه جانـا يبـي ماهتيـتـه

صح لسان ابو طلال

وسلمت يمينك يا بو مرحبا