دلـــةٍ شـاذليه ،، جـعلها مــا تـــهــون = يوم هاضت شجوني عقب فنجالها
والـفكر في نشاطه وإن طراله لــحون = يــنثني للــركايب يــفتل عـــقالـــها
إنـطـلاق الــقوافـل بــين قـافٍ ونـــون = مــــا يجيب الركايب غير بأحمالها
أصدرها هجوسٍ على الـعف والصون = وألــبسها عـــباةٍٍ واجــب إسـبالها
بنت تحت الســتيره مــلامحها غــبون = عـــبر بوح الكنينه تبعث إرسالها
دمـعها وإنــسكابه وإنــحلال الــمجون = عــاملٍ فــالـمداين قـــلَب أحوالها
يا هل ذيك المدينة على الموت تمسون = دام كــف المراجل كـفت أفـعالها
والــبلا عـين قــومٍ كاتـبيـن ويــقـرون = شـاهده للـوقايع دون تسعـــالها
لو يمد المصوغ خنجره ،، والزبـــون = روس قومٍ تضحي دون منزالها
ولا هـم يــــفزعون ولا هـم يـــحزنون = جــعل نــفسٍ ذليلة يــفجر طحالها
كــل واحــد يــدور عــلى مـال قـارون = والـطـيور البليــدة لاقــت أشـكالها
هذا حمل الركايب عسا الناس يوحون =بــعد طــول المسافة نـعقل عقالها