الهيـــــــــــــلا *** منتدى قبيلة عتيبة - الشاعرين الكبار ناصر بن هندي رحمه الله وشليوح بن شلاح المطيري

السلام عليكم ورحمة الله وبركاته

محاوره نادره بين الشعراء الكبار وقديمه جدا قبل مايقارب 35 سنه
ناصر بن عايض بن هندي الشهراني والشاعر شليويح بن شلاح المطيري
في دولة الكويت:

ابن هندي

سلام الله برده قفلها مبهم بـلا مفتـاح
ندور من جماعتنا عميل يحتضـي فيهـا
اسر ياليل جاالحواس وشليويح بن شلاح
وانا لا قلت كلمه يفهم الطيب معانيهـا

ابن شلاح

هلا يامرحبا في مرحبا من خاطر مرتاح
والقفول العمي اكسرها واخربها واسويها
تراني شاعر بيتي يسابق فتلت المسبـاح
لاشك الفرق عند اللي يعقلهـا ويثنيهـا

ابن هندي

الاوبك البقاء ياللي ترحب غير ماشي مراح
اخاف الهقوه اللي في ضميرك لا تخاطيهـا
زعيم اللعب لايسري ولا يقعد ولا ينـزاح
ولا يخطـي علينـا والخطايـا ماندانيهـا

ابن شلاح

ترى حر الطيور يطير لما وكد الملـواح
دخيلك دار نفسك واحذر الشيطان يغريها
تراني مثل ضلماء الليل لاتسري بلا قداح
ظلام الخرمسيه مايدل اللي مشـى فيهـا

ابن هندي

غدير النقيع يابومطلق مايغـرق السبـاح
وانا مارافق الشيطان والفرصـه لراعيهـا
وانا مجدور ومعنقز وعندي للحروب كفاح
ولا ماقلـت كلمـه بمنـع اولـهـا وت

اليها
ابن شلاح

علامك ياصبي نجران ملعبنا طرب ومزاح
ولا توزمني اهز العصا مانتـه بقاويهـا
بوديك الطبيب اللي يرد العايبين صحـاح
تصح اصحيح ولا حفرة المرحـوم تاتيهـا

ابن هندي

تواردنا على الماء شرهة الجاذب على المياح
ولو تعرف سلوم المحكمـه قدرهـا قاظيهـا
وانا من ذات نفسي صاحب اشاعه وانا الجراح
رد الزايره وسبابهـا فـي جـوف راعيهـا