قصيده ابن رازن مسنده لشيخ قاعد الوهاب
 

يــا راكـبـن بـنـزن جـديـدن طـــرازه *** بديـه مـن الفـولاذ والصلـب منـحـوت

آخـر مـوديـل ولا نـقـص فـيـه عــازه *** مـن وارد الالـمـان بــوراق وكــروت

جاين طلب ومهنـدس الصنـف أجـازه *** تعمى عيون أهل الحسد عنه وتمـوت

لـيـا تـلـه الـسـايـق وشـغــل جـهــازه *** مـا يغبـط الـلـي مالـكٍـن قصرمـريـوت

ولـيـا نـهـض صــدره وزان امتـيـازه *** اسرع من اللي بالفضا تسبق الصوت

علـيـه قـرمٍـن حــر صـعــب مـــرازه *** عاقل ومن ناسٍن لهم سمـت وبخـوت

ملـفـاك بيـتـن كـبـر أبـــان ارتـكــازه *** وبه مجلسن ما فيه شامت ومشمـوت

بـيـت الليـثـنٍ تــاج الأمـجــاد حـــازه *** صميدعنٍ من شجـرة الطيـب منعـوت

بـانـيـه قـاعــد لـيــن كـمــل نــجــازه *** وعمـار يـا دارٍ علـى الطيـب مثـبـوت

وعطه الكتاب اللـي نسجتـه علـى آزه *** مثـايـلـن مـنــي جـزيــلات وبــيــوت

وبـلـغ سـلامـي واشـهــره بـعـتـزازه *** سلامٍ أغلـى مـن ذهـب حـص ياقـوت

والـذ مـن ذوب العـسـل فــي حـجـازه *** وأحلى من السكر علـى زاكـي التـوت

ثـم قــل لـبـو شــارع بـكـل اعـتـزازه *** الله مــن هـمــن بـالـضـلاع مـكـبـوت

قلـبـي تـصـرم مـثـل صــرم الـقـزازه *** وعانيت ما عانا العواجي علـى نـوت

عـلــى ولـيـفـن هــــز قـلـبــي ورازه *** ولاعـاد نفسـي تقبـل الـزاد والـقـوت

اقفـا وجــاء بالـصـدر عقـبـه حــزازه *** هــز المـدافـع فــي جنـوبـي بـيــروت

أبعد من البصرة اعن اقصى المحـازه *** ومن دونها ضلعان وسهـول وخبـوت

ولا هـمـنـي بـعــد الـديــار وغـــرازه *** همـي زمانـن كنـه السـيـف مصـلـوت

وقـتـن تـسـاوى فـيـه حـــره وبـــازه *** والحر يشكي الضيم والريش محتـوت

والذيـب جـر اعـواه والنـيـص هــازه *** مـا فيـه غيـر اعـواه والعالـم سكـوت

واختـرت رايـك وانـت رايــك مـفـازه *** يا عز من جالـك مـن الوقـت مبهـوت

والقـول نعـرف معـربـه مــن مـجـازه *** وهذا صحيح القـول والكـذب ممقـوت



نــواف بــن عبدالـعـزيـز بـــن رازن

صح لسانة وماقصرت على النقل

اشكركم على المرور المميز