سارح البال يامال الغناه=شد حيلك ومس بطانها
كل سوقٍ عرفنا محتواه=والعرب كسبها بايمانها

نايف اقبل وزيّن مبتداه=والبدايه رفيعٍ شانها
وان بغا اللفلفه لا واعناه=قدمك اثنين واختر عانها

ماطيب الي نحتها في صفاه=كلمت الي عرف برهانها
سارح البال لو يرفع عصاه=وزنته يختلف ميزانها

كل رجلٍ يحصل مانواه=تثبت الخيل في ميدانها
نايف اخطا علامه وش بلاه=بندقه ماضبط نيشانها

من يبا الموت قد عاف الحياه=كل غزوه لها فرسانها
سارح البال ربي ماهداه= كل ديره حفر بركانها

من بغا الموت حصل مابغاه=والعرب تنعرف بلسانها
سارح البال عارف مبتغاه=وانت ضيعت نص اركانها