عز الرياض وعز وادي حــــنيفه=وعز الأماره والأمور العـــــــــــــظايم
عدل الحكم سلمان بالعز ريفـــــه=خمسين عام كل ابوها غـــــــــــــــنايم
تبصر بعدله عين حي كفيــــــــــفه=المجد له والطيب والعز دايــــــــــــــم
حلحيل حلال الأمور الكـــــــــــليفه=عزيمته من فوق كل العزايـــــــــــــم
مواقفه ما هي مزوح وطريـــــــفه=ينصاه من ظامه من الوقت ظــــايـــم
له المراجل كل ابوها عســــــــيفه=لو أنها أصعب من كبار القــــــــــوايم
مرسى مثل مرسى الجبال المنيفه=اليوم ولا فالسنين القدايــــــــــــــــــــم
عز لمن حطه حزامه وســــــــيفه=من سطوته خصمه يذب الـــــــــخرايم
أمير عاصمة البلاد الشريــــــــفه=من دونها يردع هواة الــــــــــــــجرايم
طور بناها بالجهود الكـثيفــــــــه=فيها الثقافة والوفا والمشــــــــــــــــايم
حليم متواضع ونفسه خفيفــــــــه=والكل في حبه مولع وهـــــــــــــــــــايم
كم حافظ في منزله يستضيفــــــه=ويصير قسمه من كبار القســــــــــــايم
كم من يتيم في ربيعه وصيفـــــه=يدعي لبوسلطان جالس وقـــــــــايـــــــم
من بعد ماهو في حياة ضعيفــــه=اصبح غني ويعيش جو ملايــــــــــــــــم
كم من معاق باليدين النظـيفــــه =يصافـــــحه ويفز لو كـــان نـــــــــــــايم
ويحط له بين الوظائف وظيفـــه=حتى يخــفف من عناه المـــــــــــــــزايــم
وعداد براق يشوق رفيفـــــــــه=صلوا على اللي عن لغى الهرج صـــايم