الهيـــــــــــــلا *** منتدى قبيلة عتيبة - مقتطفات لأبيات متنوعة من قصائد شاعر المليون (محمد الحويماني)

اعزائي اعضاء منتدى الهيلا اخترت لكم ابيات من قصائد الشاعر المبدع محمد الحويماني العتيبي احد شعراء قبيلة عتيبة المشاركين في شاعر المليون

اتمنى ان تنال اعجابكم

هذاك دمعي وكنه صار بأسبابك
يجفى عيوني وروح ينتخي قربك
وهذاك صوت رميته ساعة غيابك
حتى صداه استخار وهج مع دربك

تعالي يالسنين الاوله.. يالمقبله فوتي
نعيد أيامنا «طبعا» من آخرها الى أولها
علشان اليدين اللي تحرضني على موتي
تقدر موقفي لا من رفضت اني أموت لها!!

احترت يا صاح في بوحي وكتماني
وأزريت حتى المس المضمون بيديني
أنا الغريب وتعبت اشتاق لأوطاني
ذكرت ربعي نهار.. وجيت ناسيني!!

يحق لك تعتب علي وتشره
مع إني ادمح زلتك ما تشرهت
لاني ادري لو تشرهت مره
عليك تكبر شرهتي ما تنبهت

من غبت والناس كن نفوسها قشرا
الطفهم اللي كسر روحي وهلابي
الجرح يبرا لو ان الوقت ما يبرى
شف وقتي اللي خذلني ويش سوى بي

الشعر ذنبه كبير وزلته زله
يارب ترضى علي وتغفر ذنوبي
أمسيت مثل الكبير اللي غدا دله
وأصبحت مثل الصغير ابين عيوبي

جيت أعشم بردنا.. بالصيف لكن..
الفصول الاربعة.. برد ورتابه!!
أهـ لا صار الغلا بالجرح ساكن
والخناجر كلها.. ربع وقرابه!!

يا عيد تدري وش اللي مر في بالي
خلاني اعتق رقاب الدمع في عيني
اصحابي اللي بعد ما بارت احوالي
ما منهم اللي نشدني وش جرى فيني!!

أقفيت واشباه الاوادم لهم رمس
شحوا علي بضحكة ما لها قيد
طاح الشجر في ذمتي طاح والشمس
توجع ولابه غير ظلي.. على البيد

أغيب لكن لا حضرت وتكلمت
داريت شرهة غيبتي في حضوري
أنا الذي عن منة أنوارهم شمت
وكم واحدٍ يبغى يجي تحت نوري