يامرحبا ترحيبةً تروي لها كبودً عطاش=اقولها لهل الوفا ولغيرهم ماقولها
ياصاحبي قبلان عينك فالمزون ام الرشاش=اللي على راسك من البارح تهل ثعولها

دام البقا ياشاعر ٍ عن ماقفه يفعل وشاش = من لابة ٍ لاسيقت العطفه تبين افعولها
انا عيوني في جلاد الارض ماقرب للهلاش = والمزنه اللي خلتها لاتجرفك بسيولها

الله يبارك فيك لايدخلك رهبه وارتباش=ماقلت فيك اخلاف واصحوا للعلوم اصحولها
مافيه شيً فالزمان يجيك لحدك بلاش=لكن خلك حولها والخير يلقى حولها

العظم وشلون اجبره لاصار في وسطه هشاش = مايجبره ياكود حلبتها على معسولها
الكمره إن كان لقطت صوره ولا يظهر فلاش = وشهوله اصور جبال الارض ولا سهولها

المشاركة الأصلية كتبت بواسطة قبلان الدعجاني (المشاركة 526043) العظم وشلون اجبره لاصار فيه وسط هشاش = مايجبره ياكود حلبتها على معسولها الكمره إن كان لقطت صوره ولا يظهر فلاش = وشهوله اصور جبال الارض ولا سهولها

كمً كسيرٍ ماشكى كسره يابن مفلح وعاش=والناس حسب افكارها والناس حسب اعقولها
انته ماتعمل ياعميل الخير وتدوّر معاش=لكن شب النار واسرج للخصوم خيولها

الناس قلب ابيض نظيف وقلب داخله الغشاش = والشك زايل في شعيل اليا ارتكى لحمولها
مابغى العمل لاصار مخرج في مسلسل طاش طاش = والخيل ماسرجها ليا مّن غاب دق طبولها

المشاركة الأصلية كتبت بواسطة قبلان الدعجاني (المشاركة 526066) الناس قلب ابيض نظيف وقلب داخله الغشاش = والشك زايل في شعيل اليا ارتكى لحمولها مابغى العمل لاصار مخرج في مسلسل طاش طاش = والخيل ماسرجها ليا مّن غاب دق طبولها

البدو لآشافوا ربيع يحوفها نوع انتعاش=ترعى الحيا وتشوف في وسط الربيع انزولها
ترى القصور البيض ياقبلان اخير من العشاش=تبطي عظم مانلتها يااللي تريد تنولها