| هايل الهيلا |
10-Jan-2008 10:25 PM |
ياشاعر المليون
الاخوه شعرا المنتدى والاعضا والزوار
السلام عليكم ورحمة الله وبركاته اما بعد احب المشاركه بهذه القصيده
لشاعر محمد بن صالح المغيري العتيبي
وعسى ان تنال اعجابكم
 |
|
 |
|
ياشاعر المليون
ياشاعر المليون جالك ملايين
لكن منته في محل الثقاتي
الشعر وينه والحكم ياعرب وين
الكل منهم عايش(ن)في شتاتي
حنا نعرف الشعر والناس دارين
وانا ترى ماحب كثر الشماتي
واللي عجبني فيه لاشك ثنتين
ثنتين ماهن مثل كل البناتي
العام روضه روضة الحسن والزين
اشهد شهاده كامله بالصفاتي
خده كـما البـراق والـموت فالـعـين
والعنـق ياويـلاه عـنـق الـمهـاتـي
وهذا السنه من عقبها جـات دارين
الله عـلـيـهـن كــلـهـن فـاتـناتـــي
هن شمعة المسرح ونور المذيعين
ولاشوف شي(ن)غيرهن بالقناتي
وانـا علـى مـاقـول عـنـدي براهين
وعندي ادله ياعرب واضحاتـــي
وين المعلا وبن شيبه وثانين
ناس(ن)لها بالشعر بصمه وذاتـي
وسلطان واللي غير سلطان باقين
ماتنحصر ياناس بالمفرداتــــــــــي
وصلات ربي عد ناس(ن) مصلين
وعداد ماينبت ويثمر نباتي
على نبين كلنا له مطيعين
مني عليه ازكى سلام وصلاتي |
|
 |
|
 |
|
