ياسلام الله سلامن تطيب اله النفوس = من هجوس العازمي في محلات الكرم
ياعلي وان ضاع عمرك على حفظ الدروس = وش جنيت وش بقي في حياتك من حلم

مرحبا والطيب بنفوس الاجواد مغروس=عدّ زوّار المدينه وحجاج الحرم
لا تحسب المرجله بس ... تجميع الفلوس=احمد الله همّتي من رفيعات الهمم

عقب جيتك ياعلي لاتفكر بالجلوس = يتعب الرجّال مع جرّتي قبل الندم
فالدراسه وش بلاك العمر كله تحوس = دامها صعبه علاك انسحب وارع الغنم

صاحبك دكتور متخصص بقلع الضروس=لا تلف يمين ويسار خلك محترم
لا تجيب العلم يا ميّت القلب معكوس=والله انّي طالبٍ فالدراسه منتظم

كان راع الدقن ماركيت فوقه حد موس = لين احد اللي صبغها يتوب عن الكتم
انت طالب علم والا تهوجس بالهجوس = الدراسه والشعر بينها شخطة قلم

انت خشمك ملتوي حيد من ضرب البقوس=من كثر ما جاك تبقيس من فوق الخشم
العلوم الطيبه مع بعيدين الرموس=كلبوها يالعتيبي لنا فيها قسم

لاتمنى الشر وانته معك حظن نحوس = مانشب النار بالرمث وصروع السلم
مار فيها كلها قلبك اعروقه يبوس = يامعايد قريتينه ترى احفيت القدم

خلها بيني وبينك تجي حربٍ ضروس=ساع وجّهت لك يا صاحبي راس السهم
خلّ عنك الظلم لا تحلف الدين الغموس=لو يحذف ذياب شلفاه تاقع في لحم

خوفي ان الحرب هاذي مثل حرب البسوس = والسبب قوة طموحك تبتشيل الهرم
الطحين اللي من الوقت يلعب فيه سوس = ماعنيناله ومن دونه الرزق انقسم