يالسميري مكانك لا تروح=ثم عطنا علومك كلها
والدوى مانفع بعض الجروح=وانت بعض العلوم افطن لها

من ضميرٍ يكن ولا يبووح = العرب لا تخالف دلها
يمكن اتصير من فتح الفتوح = كان شفناك جيت بحلها

عاين البرق في المنشا يلوح=من يعقد الحبال ايحلها
السفينه مشت بصحاب نوح =مار لا تعترضها خلها

نار ياصاحبي من دون ضوح = ودك أن المزون أتبلها !
مانزل فالبحر كود السبوح = لكن الناس وش نعملها ؟

انت في اللازمه منته شحوح=والعرب ماتغير دلها
يالسميري عسى عندك طموح=ليت كل الدروب ادلها

أنا أبى أخبرك يالراس النطوح = صعب كل الجبال اتهلها !!
ساعة الجد مافيه مزوح = أخذها ولاّ بصرك خلها !

كلمتك ما تبشر بالنجوح=مارابا احفر لها وادفن لها
شب نارك عسى قدرك يفوح=ثم حد السيوف وسلها