بسم ربعن صيتهم معروف في كل الجزيره=مرحبا باللي حضر في المنتدى ترحيب غالي
يالعطاوي سرها لن كان لك عزم وبصيره=انت رجالن تفرق بين مر وبين حالي

عد ماشفنا نجومٍ فالسما دايم منيره=البقا يانايف الروقي ياحماي التوالي
هات علمك ياولد روق وتحيزم للمسيره=دامني موجود يانايف ترا مالك مجالي

انت مدري عنك تبغا الاوله ولا الاخيره=لا تجنب عن طريقك لو يطولن الليالي
تدري انا ماوردنا العد بحبالن قصيره=والحقايق واضحه ياصاحبي والحظ عالي

علمها عندك يانايف وانت حمّال الذخيره=اختر الدرب المناسب لاتكرر للسوالي
ماجحدناكم صغيره ماجحدناكم كبيره=بس ابا حذرك يانايف لاتطمع في حلالي

العلوم اتروح يارجال من ديره لديره=مار لو انك تحدا حيلتي من دون حالي
الليالي دايره مثل الرحاه المستديره=وانت من كلفك تطمع بنت ابو زيد الهلالي

لاتخفف صدمت الموضوع والحاله خطيره=ولاتعلق ياعميلي بالرموث من الحبالي
دام تاكل خبز يارجال وتشوف الفطيره=لاتفكر في البنيه يوم صارتلي لحالي

هلا وغلا ياسلمان
شرفنا مرورك وياعساك دوم بخير

كل عاقل ياوسيع المعرفه يحكم ضميره=والكلام اللي طرالك يالعتيبي ما طرا لي
دام هاذيه علومك ياعسى في الامر خيره=وانت تدري ما تباك ولا تبا واحد بدالي