هلا يامرحبا والبن والمسمار فالدله=لكنك وش تسمي من يصب الكيف فالبراد
لك الله مامشينا الا بنهج الدين والمله= لكن انشد وتلقا لك خبر يالصاحب النشاد

ولا ياصاحبي قل للزمان اللي مضا قلّه= عيال الهند وصلوا للقمر وانته رديف شداد
ليا شفنا مطبّل فالخلا محدٍ مطبلّه = تواريخ الرجال تحيّر الراوي مع القصّــاد

لو انك راس قومٍ يعرف التاريخ ويجلّــــه= ماتنقص قدر عطران الشوارب ياقليل الماد
كبود الناس تال الوقت مغبونه ومعتــلــّـه= ولا ينقص رجال المعرفه كلمه من الحسّاد