قصيده في الشيخ قعدان بن عبيد الوهاب رحمه الله
 

مرثية في الشيخ قعدان بن عبيد الوهاب - رحمه الله





جعل السحاب اللي نشاء وانتثر ماه




يسقي الديار من المزون الغزيره




يسقي نفي حتى تروي قراياه




ويمطر على قبرك يا شيخ العشيره




مرحوم يا شيخ بعد ما فقدناه




فقيدة على القبيلة كبيره




جدي عسى في جنة الخلد مثواه




في جنة الفردوس يلقى مصيره




أمين يا للي ما تعدد عطاياه




يا عالم بالبينه والسريره




تعفي عن ذنوبه وتغفر خطاياه




يا الله تفكه من لهيب السعيره




قعدان أبو قاعد قليل حلاياه




شيخ بفعله ما يقارن بغيره




الدين والأخلاق للي تنصاه




شيخ يذري في الليالي العسيره




فيه النقاء والصدق والطيب والجاه




وهذه قليله من صفات كثيره




والضيف يبشر بالكرامة ليا جاه




في مجلس يجذبك نفحة عبيره




غير الدلال اللي على النار مركاه




ينصونه الضيفان من كل ديره




يفزع لمن حده زمانه على قصاه




تقول كنك في حلاله خشيره




يعطي لوجه الله ما يعطي مضاهاه




مكافي شره ويا كثر خيره




يا الله بالاحسان والخير تجزاه




أنت بيدك الكون وأنته تديره




لو أنها بالروح والمال نفداه




نفداه لو هي بالسيوف الشطيره




لو كان ما نصبر على حر فرقاه




تبكي على موته جموع غفيره




مير أجل محتوم ما به مراواه




والآدمي لا بد يقفي مسيره




وختامها صلو على من تبعناه




على النبي اللي دروبه منيره

خالد بن مشرع الوهاب

مشكور وماقصرت

الله يغفرله ابو قاعد نسل الرجال المناعير.

الاخوه الاعزاء




شكرا على المرور المميز دائما

فقيده على القبيله نسأل الله له العفو والغفران

الله يرحمه ويرحم جميع موتى المسلمين

سعوط المجانين




خيال الجريبا


يشرفني مروركم المميز دائما