تعال يا صاحبي سلطان جعل الله يحييك=نبى نسولف معك والليله الرحله طويله!!
الناس ياصاحبي قامت تدوّر بيضة الديك=لو بيضة الديك ياسلطان حاجه مستحيله!!

ياكبتن عتيبه الهيلا نجيك الله يبقيك =تبا تزين السوالف من عميل أليا عميله
اضحك على اللي يباها !! قله الخير متعديك =وبل المطر في بحر ..ماشيف فوق الارض سيله

عزالله أنّي من اول يالعتيبي طامعًا فيك=وأثرك مأنته سواة زريب شيّال الثقيله!!
من أول اليا مرضت انقول جعل الله يعافيك=واليوم كلاً يباك اتموت لو مافيك حيله!!

ان كانها دامت أيام السعد لابد نرضيك =ترى الولد مثل من قبله وحمله يرتكيله
انته من الخير مالي بطنك ومالي مخابيك =لكن مايقنع المشفوح ..من شئ يجيله

انته ولد عم وتحبّك بني عمّك وتغليك=لكنّك اليا غزيت القوم ضوّيت الفشيله!!
وان جيت اوصفك ياسلطان واحلل معانيك=كريم فالهرج ياسلطان ويدينك بخيله!!