رد الشاعر مدغم ابو شيبه على لجنة المليون بعد استبعادة
 

مدغم ابو شيبه شاعر معروف في الساحه الشعبيه وشارك بشاعر المليون
ولكن تم استبعاده من المئه المتأهلين

للمعلوميه قصيدته كانت روعه يعني مدري ليه ماادخلوه ومدخلين بنت هي بوادي والشعر بوادي
والدليل استبعادها من اول حلقات البرنامج

اترككم مع القصيده

ياقصيدي وانت حملك مثل حمل السلاح
------------------------------------من صناعات الفض النزاع مطــوره
خلق وجهك من حجا ضلع واشراقة صباح
---------------------------------------دم تجمد في وريده ودم تفـوره
من خلالك لي على الكون منفذ وانفــــتاح
----------------------------------ارسم احلامي على واقعه واصــوره
الحصون اللي عليها منصات الكفــــــــــاح
-----------------------------------انشد اكبرهم من اللي بناه وسوره
سقت ذودك للمفالي وقاد من المــــــراح
-------------------------------------واعترض في دربها نابحه ومخوره
النجاح يشيل جرحه من اعداء النـــــــجاح
----------------------------------------والمثاليه تعاني من المتـــهوره
والفتاوي تختلف شي حرام وشي مــباح
--------------------------------------وشي لو تقنع به العقل مايتصوره
نستمع لله اكــــــــبر وحــــيّ للــــــفلاح
--------------------------------------المساجد عامره والقلوب منـــوره
وندري ان ماكـــــل مذن بلال بن ربــــــاح
-------------------------------لو يقول الشمس حمره والارض مــدوره
المهول لو خدعنا وخـــــــــذنا بالصـــــياح
---------------------------------واشتكى من رجله اللي مهيب تعوره
حيلة ما تمشى الا على الناس الصــحاح
-----------------------------------------احبكتها عالم مهوله ومجوره
والطيور اللي تهاوى بمخلاب وجــــــــناح
----------------------------------------لا تعشى صيدها واحد مادوره
مايحصل راحة البال واطلاق الســـــــراح
------------------------------------من تورطله بخمسة صكوك مزوره
فرد حمزه حسب تقرير دايرة الســـــلاح
------------------------------------فيه واحد غير حمزه هو اللي ثوره









وتقبلوا تحياتي

مشكور وماقصرت

والله هم أبعدوا نايف بن معلاّ الذي من وجهة نضري إنه أفضل من مدغم بوشيبه


بعدين مدغم يقولون عنده بيت مكسور ولما قالّه العميمي يتك مكسووور لم يستطيع النفي


( جا يبى شهره وفلوووس وأكلها مفلفله ) :)

اللجنه اقل من الحدث


لك كل الاحترام والتقدير

والله انه شاعر
ولكن الشكوووووووووووي لله والله يصلط علي الي كان السبب

بيض الله وجهك

بسم الله الرحمن الرحيم


السلام عليكم ورحمة الله وبركاتة


الاخوان ابو مرحبا و محب الهيلا والباسلemotionو يزن الهيلوم وراعي العوجا و بن غالب العصيمي

اسعدني مروركم ولكم جُل الاحترام والتقدير