سلام ردية وفاء ماهيب ردية هياط=سلم العرب عنوانها مايختلف عنوانها
ياكبتن عتيبه لك الله مانبى سحب البساط=من تحت ناسٍ سكرت دون العرب بيبانها

يامرحبا يالشاعر اللّي ماتزيد الاّ نشاط=والله يعدّيك العيون اللّي رقص شيطانها!!
ياللي تحرّى للسحابه من شباط اليا شباط=ابواب ربي ماتصك ورافع الله شانها!!

دام البقا والي سواتك لامشى فوق السراط=من طيب راسه وزنته مايرتخي ميزانها
اشباط موسم للحباري والقماري والغطاط=وان عدتٌ الديره مصيبه وانت من فرسانها

ياكم نقاط بلا حروف وكم حروف بلا نقاط=ورسالتك عنوانها يشر على برهانها!!
ياحضرت الصياد وش خلّيت من حب الحماط=مير الحماطه يالعتيبي خيرها فاغصانها!!