يالجنة المليون ماهي جديدة=هذي سوالف ونعرفها من العام
الكلب ذيله ماخبرناه سيده=لو كان مع عمه وفيٍ ليا حام
وأنتم تراكم يالعقول البليده=ناقص مدحكم وأمتليتو بالأوهام
ماتعرفون الشعر ولنتم عضيده=بس المصالح جايبتكم للاسهام
يعني تجاره بس هذي أكيده=مايختلف فيها حويزم مع حزام
يالعنبو من حب دنياً زهيده=حتى الأمانه باعها لكل سوّام
همّه يفكر كيف يملا رصيده=وكيف يتميلح للصحافه والإعلام
وأذني معي لاجيت بكتب قصيدة=أكتب قصيدي وللمهمات مقدام
وخالد كبيرٍ لا بدا بالنشيده=أبو محمد مايقيّم بالأرقام
راعي جزاله والجزاله فريده=محدٍ يجيب اللي يجيبه ليا قام
أشعلتها من نار فيني وقيدة=والشعر عقبه صايرٍ كله حطام
موجز كتبته وإن بغيتو أزيده=أكتب حقايق باصم ألكم بالابهام

الشامخ