الليله الليله نبيها مع هل الوزن الثقيل=والثقل فالفكره ومعناها من اللي يرسمه
وليا لقينا نايف الروقي..مانبغا له بديل=راع الحصان اللي عنانه في يدينه محكمه

الليل توه ماسرى ياصاحبي ليلك طويل=هات العلوم اللي معك والعلم حنا نفهمه
انا عميل الطيبين اهل الوفا واطيب عميل=مار انت مدري عنك تبني البيت ولا تهدمه

وحده ورى وحده ترى ثنتين ..والله الوكيل=والثالثه فالغيب مانعلم بها ذي مبهمه
الناس تنظر فالبروق وسيلها عيا يسيل=ترى خيال الصيف متساوي وجوده وعدمه