الهيـــــــــــــلا *** منتدى قبيلة عتيبة

بسم الله الرحمن الرحيم

يالله وأنا طالبك عذنا ياكريم أمن الدبور
عقب الذي جانا من الأصحاب واللي نسمعه
أثر العرب مثل القرب مع طيلة المده تبور
الشق فيها لاكبر ماينرقع لو ترقعه
واللي حداني يم علمي ذاه وقفات الشعور
يوم أختلف عندي وصوف أحلى الفصول الاربعه
أشوف لي ناسً تحب الهرج من خلف الظهور
تظن في تظهير عثرات الاصاحب منفعه
هم مادروا أن التفرق أول أسباب الحدور
مثل السفينه ماتسير ألا بوجود الأشرعه
الله ياوقتً مضى فيه السوالف ماتدور
وقلوب خلق الله نظيفه بالحيا متشبعه
ليته يعود اليوم لجل الذيل مايرقا الصدور
والرأس يبقى رأس مهما طال وقت الزوبعه

وسلامتكم

أخوكم/ محمد غازي ابو مناسيب