الهيـــــــــــــلا *** منتدى قبيلة عتيبة - العملاقين مستور العصيمي وحبيب العازمي (قديم عديم)

السلام عليكم
هذهي محاورة مشهورة بين ابو تركي وابو فيصل عسى ان تعجبكم
واعذروني على القصور

حبيب العازمي :
على الثبيتي والعصيمي شرهتين # والاوله ماهي بمثل الثانية
واليوم جا ميعادها يامل عين # ابدعي واقرر الميزانية
مستور العصيمي :
ياللي تخيل البرق وين البرق وين # مستور جاك وعوذ الشيطانية
انا معك طول السنة والحظ زين # ماني مفتش فالقبور الفانية
حبيب العازمي :
اتلد عينك لليسار ولليمين # ماشفتني بسم الله الرحمانية
انته معي وانا قضبتك باليدين # مابين اهل رابغ واهل عسفانية
مستور العصيمي :
الد عيني من شهور ومن سنين # وانته تلوى كنك الثعبانية
اللي يجي تحت الرحى يصبح طحين # لكن طير ونفض الجنحانية
حبيب العازمي :
لديت عينك يالعصيمي مرتين # والثالثة من بعدها زعلانية
حنا رحنا من عصور الاولين # اليا استدارت جالها برهانية
مستور العصيمي :
وين انت ماشفانك في غزوة حنين # خالفتنا ياطير ابن برمانية
منته مخلص ياحبيب عنك دين # افصيح اللسان وقليل احسانية
حبيب العازمي :
وين انت ماشاهدت في ضلع القرين # وسط الغنم سارح مع الرعيانية
انا بعد خليت خافيكم يبين # وازدادت الشعلة مع الدخانية
مستور العصيمي :
حنا ترانا دونكم حصنن حصين # حنا ذراكم يابني مسحانية
انا ماغار امزح معك وانته لعين # والمزح مابين العرب سلطانية
حبيب العازمي :
العلم يبغالة ثبوت وشاهدين # وش فضلكم يامسحرت حجلانية

ملاحظة
طلب اذا ممكن ابغى قصيدة شبل عتيبة في المزاين كل ما احملها ما تشتغل عندي تكفون اعطوني ايها
وشكرا لكم