حية للجميع وعيدكم مبارك وهذا طرق للي يحب اللعب من عتيبه

ياسلام الله على اللي كاسبين الطيب كله=من هجوس بالمواقف ماتغير مستواها
ياعتيبه ودي بشاعر دليله ماندله=كل مانعطيه كلمه خافيه يكشف غطاها

مرحبابك بعد ماقام العتيبي في محله=يكثر الترحاب باللي عندنا زايد غلاها
قصرنا اللي ياعميلي ,,منسدح في حيد ظله=كلبوا ربعه دلايل ,,قيسها وأعرف مداها

هلا والله يامرجح الميزان واستلم

البقا بك يالعتيبي في محل ٍ مانمله = في محل ربوعك اللي ماتضايق من نصاها
لي هدف والشين ماني من كلامك فاطن له=والا انا لو انوي العربان غير العن ثواها

من نصانا بالوفا,, قبل الشحم فنجال دله=ومن لفا بالثانيه.. يلقى مع العله دواها
والله اني مانويت أبحث خفى المجنون لله=مار من طيب المجنن ماتبا تبحث خفاها

نعم فيكم ياالنشاما مار مافينا مذله=لاتسوي مثل قول اللي يدورها لقاها
ماسكين زمامها لكن فل البال فله =كل طوشه عندكم حنا لنا طوشه وراها