محاورة نادرة وقوية جدا جدا بين الشاعر نواف العازمي وحبيب العازمي
 

قال نواف :

ياليل مدري من بقى والملعبة حظ ونصيب ..... وكثروا الشعار مدري من يبا يحتلها
سلام مني للرجال وياحبيب لاتغيب ..... كل العلوم أفطلها كل العلوم أفطلها


قال حبيب :

ياليل ما ليلك سعد واليا أجتمع حصني وذيب ..... وأن كثروا الشعار يانواف روح وخلها
يامرحبا ترحيبتن مثل العلاج من الطبيب ...... أقولها واللي عقد روس الحبال يحلها

قال نواف :

حنا نجيب لك المعاني وأنت مدري وش تجيب ..... في ساعتن وحدة جمعت النا السوالف كلها
نبي نبعد شوفها وأنتة تعاين في القريب ..... واللة ماتاخذها لو أنك بالشنب تفتلها

قال حبيب :

البرق يبرق في السماء والسيل جاك من الشعيب ..... والسيل يشتال المباني والثياب يبلها
أقعد ثمان سنين لين أنك تعرف اللي تصيب ...... واليا عرفت اللي تصيب أحفر لها وأدفن لها

قال نواف :

أبلشتنا وأنتة حبيب كيف لو أنك حبيب ...... أسبوع وسيوفك على شعب الكويت تسلها
قبل صلاة الصبح كيف الشمس تضوي للمغيب ...... تبا تقدم لي علومن قبل يوصل حلها

قال حبيب :

أسبوع كامل والدلي تشيل من جم الجليب ..... هذي عرب نهرج لها هذي عجم نرطن لها
مافيه عندي مشكلة في الخوخ والتمر الرطيب ...... اللة ولا شجرة قصيرة مايضلل ضلها

قال نواف :

الليا تكلمنا يبا يسلم شنب والا شنيب ..... وبعض السوالف لو تصنفها ماني فاضلها
الناس تبكي من سبب والا انت تبكي من سبيب ..... وسيارتك قدام لا تقلب بها فرملها

قال حبيب :

اليا تعديت الحدود أضرب على راسك صليب ..... ياللي تبي تلبس ثيابن منتة بقدلها
أنتم ركضتوا من غضب واللي يطاردكم غضيب ..... ياكبر عينن يالجمل مير الخلال يخلها

قال نواف :

قدام لاتوصل مواصيلي يبي راسك يشيب ..... الوقت توه وانت صليت الفرايض كلها

محاوره قويه و رائعه
من شاعرين حبيب العازمي و نواف منور العازمي رحمة الله

مشكور على طرحك للمحاوره يا الملعبي

لاهنتوا على المرور وهذة المحاورات والا بلاش

محاورة من الوزن الثقيل

رحم الله الشاعر نواف العازمي وأطال الله عمر الشاعر حبيب العازمي العتيبي

لاهنت على النقل الرائع

اخوي شبيب
مشكور الله لايهينك
تحياتي

مشكووووور ما قصرت

ابوبراك لاهنت على المرور

العفريت لاهنت على المرور

مروي ماقصرت على المرور