بداية عضو محاورة
 

سلام الله سلام الضيف لاوصل المعازيبي
على وضح النقا المجرود والتسليم نبديبه


أبا أشارك مع الهيلا بمجهودي على الطيبي
أنا شاعر وشعري مع رجال العرف أماريبه

يدوم لك البقا مابان نجم ونجمن يغيبي
يدوم لك البقا ياصحيب يعرف سلم اصاحيبه
ياراعي مدركه بثي ترا ماهوب تجريبي
نسولف مع رجال العرف وانت الطيب تحريبه

انا مابغاك توصيني وانا اعرف المناصيبي
ترا عزام يازيزوم صيده من مخاليبه
بعد هلت مزون الوسم فاضن الاشاعيبي
وابو عرام في سد القرى يحمى مشاهيبه

سمعتك في نفود السر للعالم تماريبي
وبعد ماجيت دارك ليه تنسا من تماريبه
وصلنا للنهايه ولك تقديري وترحيبي
ومقابيل الليالي صاحبك يطلع وتدريبه

انا سيفن على العدوان يازيزوم تغزيبي
ومثلك نعتزيبه والعدو نكسر عراقيبه
ترانا من قبيله من عطاها شمخ النيبي
تحط العود في عين المعادي لأجل تاديبه