يا لنديم اللي ليا ضقت اشتكيله=لا تعلمني قبل تأخذ علامي
ها ك من عد القصيد وسلسبيله=شربة تبهج وتروي كل ضامي
من هواجيس القصيد أنقا جزيله=وأقطف أطيبها مثل قطف النوامي
أتخير كلمت جزله ثقيله=وأتحاشى كلمة تجرح صيامي
ودار دولاب الزمان و لز خيله = يا حليلك يا مثورت العسامي
كل فارس مسرج ظهر الاصيله=مثل زيد اللي تحزم با لحزامي
الحرامي زيد خيال الكحيله=رافع خشمه ومونسله عرامي
جابو أخباره مدورة الجميله=والحقيقه وااااااااعلى السلامي
قالو انصح قلت أنا ماني وكيله=الحرامي زيد أنا ماني حرامي
قالو الدعوى يا بن عايض طويله=قلت غير النور ما يجلى الضلامي
ما عليه من مدورة الفشيله=ألردي ماله لا طيب ولاحترامي
من توسل بالردي بئس الوسيله=اسود التاريخ غاشيه الملامي
لو عليه يهل همال المخيله=مايغسله المطر ستين عامي
قالو أنت المتهم في كل قيله=قال فيك من الكلام اردى الكلامي
قلت مثله ناس من نفس الفصيله=واحمد الله جابو العذروب سامي
قالو مطوع وشاعر وش بقيله=آخر أيامه يقول أنا الزلامي
قلت هذي جبتها بأهون وسيله=متهم ثابت علي ألاتهامي
صح أنا مطوع وأنا صاحب فظيله=حافظ(ن) ديني ومرفوع(ن)مقامي
أتبع ألسنه ولا انزل للرذيله=وألف صلى الله على خير الانامي
والمراجل من تركها عزتي له = ما يسمونه من اكبار الاسامي
إيه أنا مطوع وأنا شاعر قبيله=يكفي إني شاعر الاد القثامي