تاريخنا في نجد يا للـي تسيلـه=يعرف ويعرف به على كل منوال
يوم المهار المكرمـات الأصيلـة=وعلى أسروجهن مشاكيـل وعيـال
وبايمانهم حدب السيوف الصقيلة=بادلا بهن يوم الوغى تهفي الاجال
لا جا نهـار كـاد قـول تعديلـه=يوم ملازيمه تبـي فعـل ورجـال
دايـم مواقفنـا تعـز القبيـلـة=لا جاء نهارا ما حضرت فيه عزال
حنا هل المعروف وأهل الجميلـة=وعز القصير اللي مراحيله هـزال
وحنا ليـا بـار العميـل بعميلـه=وتناقضت من بينهم شهب الاذيال
محرافنا يبـري الكبـود العليلـة=تبري به جروح جديدات وسمـال
وأن شرف الراعي يشوح بشليلة=يا هل القطيع اللي غدو فيه عيال
نلحق على صفرا حجبها طويلـة=قبا تضيع بها تواصيـف الامثـال
ناصلبهن لعيون ضافـي الجديلـة=بين القنا يوم أحمر الـدم شـلال
ياما خـذ يناهـن نهـار الدبيلـه=على مشاكيل لهـم فعـل واقـوال
عاداتنـا نقـل الحمـول الثقيلـة=لا غلى سعر اللي للاثقال شيـال
وان ضاق في باب الفرج كل حيلة=ترى الضفر يا جاهل فيـه حـلال
نبيـع بالجملـة ونوفـي قليلـة=لا جا نهـار فيـه للهوش كيـال
ولنا خـلاف المقفيـات تحويلـة=لا نشفت الارياق من تال الابـلال
ولا من حرفناهن عقـب تهليلـه=خذ نابهم دون الحنازيـب منـوال
نملهـم ملـه شــواة المليـلـة=على عدانا دون زينـات الازوال
افعالنـا فيهـا المثايـل دليـلـه=لا جاء نهار فيه صولات الابطـال