ليتنـي بقيـت بالحـلـم القـيـم=يوم كنتي يا غرامـي مـن خيـال
يوم كنت من الهوى بعضي سليـم=حينها مـا كنـت أعانـي إنفعـال
كنت أحسبه بالحسن مثل الحريـم=فيه مسحة من حنان ومن جمـال
ومـرت الأيـام وأنـا مستقـيـم=وأتمنـى للتواصـل والـوصـال
أتمنـى شوفتـه وأرجـع وأهيـم=في ظنون الشك والوصل المحـال
ليـا سألتـه قال:بالذمـة وسيـم=كاملـه ومكمـلـه فيـنـي دلال
وإن طلبتـه قال:مولانـا كـريـم=خلنـا أصحـاب نحيـا بالحـلال
قلت:لي مطلوب واحـد يـا فهيـم=ودي أسمع صوتكِ عندي سـؤال
قال:حاضر بـس تقسـم بالعظيـم=ما تبيـح سيرتـي عنـد الرجـال
قلت:هذا شـرط يشـرط للغشيـم=للخبـول وللـدبـوش وللعـيـال
قصر المشـوار لا تصبـح عديـم=ثـم تتعبنـي بروحـات وتـعـال
قال:هذا الرقـم دقـه يـا حكيـم=والحذر ياتي من أطرافـك خمـال
طرت للجـوال مـا كنـي حليـم=وليتنـي ماكـان سويـت اتصـال
صوتها طعـن خفوقـي بالصميـم=استحـل الفكـر بالأعمـاق جـال
قال:من؟وقلت:أنـا الـك نـديـم=قلت:من؟وقال:أنـا شبـه الغـزال
مشرقة كالبدر مـا يحجبـه غيـم=ساحرة من هامتي حتـى النعـال
بي سمار أهل الجنوب المستديـم=في حسن الشام وأطراف الشمـال
بـي خفـة دم كنـي مـن نسيـم=بي رشاقة غصن موز حين مـال
لي عيون سحرها يشـف السقيـم=بي صلابـة يمكـن تهـد الجبـال
صوتي أنته تسمعه صوت(ن)رخيم=كم لأجله طاح مـن روس العقـال
قلت كافي إرحمـي قلـب اليتيـم=ما تركتـي للبشـر بعـدك كمـال
قالت:اصبر باقي أوصاف البريم(1)=قلت:خليهـا ليـا جاهـا مـجـال
الحقيقة مـا بـكِ شـيء ذميـم=الله اللـي صـورك جـل الجـلال

المشاركة الأصلية كتبت بواسطة الهيلوم1340 (المشاركة 508198) صح السانك يالغالي وفــــــــــــــــــــــــــــــــــــــــــــالك التوفيق

المشاركة الأصلية كتبت بواسطة ابو عتب النخيش (المشاركة 508211) صح لسانك يانجم وبيض الله وجهك قصيده اكثر من رائعه وبتوفيق انشاءالله اخوك ابو عتب النخيش