| ماجد الهذلي |
13-Dec-2007 07:59 PM |
محاورة محمد المسعودي وفيصل الرياحي
محمد المسعودي:
عدّ من زار بيت الله وهلّل وكبر = مرحبا في هذى الليله وفي كل ليله
أكثر الناس يدفع حيلته ويتصبّر = والرياحي ليا جوه يتحيّل بحيله
فيصل الرياحي:
عدّ من حرك هجوس المشاعر وعبّر = البقا ياهل الناموس واهل الجميله
الله أكبر من اللي فالحياة يتكبّر = كل عاقل يابن مسعود عقله دليله
محمد:
القضيه سنين طوال وليالي وأشهر = وأنت لامنك ياس ولا قريب العقيله
يوم راس السراه ويوم فالبحر الاحمر = الزعيم الاصيل القايد الله وكيله
فيصل:
فيه يومٍ من الايام يالحر الاشقر = فرصةٍ للعميل اللي يدور عميله
لا تعذّر وأنا عن واجبي مااتعذّر= قالوا الناس مابه حاجة ٍ مستحيله
محمد:
الكريم يتجمّل والبخيل يتستّر = مابقي غير قدح الزند راس الفتيله
رحت يم السحاب اللي له سنين يمطر= كن ّ مالك بني عم وخوال وقبيله
فيصل:
إقبل العلم الاول واقتنع بالمقدّر = أنت مربوط سلكك فالسلوك الجليله
كيف تقدر تعدّي فالجبل كيف تقدر = لو خذيناك معنا جيتنا بالفشيله
محمد:
يالرياحي عآينت العلم الأول تغيّر = تعبت الرجل تعبت والمسافه طويله
أنت ما انته لحالك فالقضيّه مخيّر = لي معك وقفة تبري الكبود العليله
فيصل:
ماتغيّر ولا حاجه لكن انته أقشر = لاتدبّر مع العالم ولا فيك حيله
وش نسوّي براع الضان والبيت الاسمر = شاويٍ مايجي ربعه ولا أحدٍ يجيله
محمد:
اختصرت الحساب وعملتي عندك أكثر = حاول تقارب الحسبات باطرف وسيله
ياوليد البقوم وياحديدٍ لشمّر = فيه يومٍ يهزّ الضلع من ركض خيله
فيصل:
فالك البنّ ماقهويك بالشاي الاخضر = واعتبرها هديّه من زميل لزميله
وش علينا لو الدنيا باهلها تفجّر = روس خنذف ولا معنا قلوب ذليله
محمد:
ليّ حقٍ على يمناي ماهو بالايسر = والرياحي ما ابا هيله ولا زنجبيله
مار صبرك شويّه كل من عاش خبّر = شالك السيل دام إنك نزلت بمسيله
فيصل:
أنت طير ليا شاف البنادق تحذّر = يني العش مابين الغصون الضليله
وديّ إنك تعلّم فالحياه وتطوّر = ثم أحطك دوى فوق القلوب العليله
..
[/hide] |
