الطيب راسخ في قبيلة ( عتيبه ) لشاعر شمـــــــر
 

الطيب راسخ في قبيلـة عتيبـه
ودك تأكد زود عاشـر عتيبـي
لو تطلبه روحه نهض لك يجيبـه
يقول جاتك لو طلبهـا صعيبـي
من حشمته لك تحسب انك قريبه
صديقهم يحسب بحسبـة قريبـي
نخوه كرم عزه شهامـه وطيبـه
ازريت لالقى با الرجاجيل عيبي
تشوف سلم شيوخهم با الشبيبـه
ابو عشر مثل الذي فيـه شيبـي
محسود من يصبح عتيبي نسيبـه
تلقاه دايم يفتخـر بـا النسيبـي
تبرى جروحه لو جروحه عطيبه
ولا يهزه كـل وقتـن عصيبـي
قاله ولد ( حايل ) ولاهي غريبه
مدح الذي للناس يهـدون طيبـي
الشمري يفخر بعشـرة صحيبـه
لا صار يستاهل وش اللي غريبي
ما يمدح اللي في مواريه خيبـه
المدح يذخـر للهمـام النجيبـي
ومن عشرته تسوى ولا فيه ريبه
وفي كل يوم يزيد حشمه وطيبي
مدحي وكاد ودايم الكـذب خيبـه
ما قلت زور الله ربـي حسيبـي
من تجربه صغت المثل في عتيبه
ولا انتقص من قال ماني عتيبـي



للشاعر / احمد الجريفاني الشمري

مشكور وماقصرت

[size=4][align=center]الله لا يهينك يا خلف على نقلك لقصيدة الشمري

والله يبيض وجه الشاعر احمد الجريفاني الشمري على هالابيات

وبعد اذنك يا خلف هذا رابط القصيده في منتدى حايل ويستاهل من يشكره

يمنع وضع روابط المنتديات الاخرى

صح لسان الشاعر

مشكور وماقصرت على النقل

صح لسان الشاعر

ومشكور على النقل

انعم واكرم بشمر ورجال شمر , وصح السان الشاعر احمد الجريفاني , والله لايهينك على هذا النقل ياخلف


تحياتي

صح لسان الشمري

ونعم في قبيله شمر

صح لسانك وصح لسان الشمري و بيض الله وجهه

مشكور اخوي خلف