ياسعد عزيتك وعزوك ربعك والقبيله=وقبل لاعزيك اعزي نفسي وكل الجماعه
الفجيعه وحدةٍ لاكن مافى اليد حيله=قدرة الله فوق خلقه مالنا فيها استطاعه
والله أنا ياسعد نحزن على فرقى رحيله=كيف مانحزن على للي نالت العليا ذراعه
قالها شاعر يعبر عن شعورٍ تنتميله=من مشاعر صادقه وحساس مافيها اصطناعه
فقدت الطيب ترا ماتنسى ببسط وسيله=والخبر هز الجميع وصابنا هولٍ وراعه
صابنا مثل الذهول وصارت الدعوى مهيله=والخبر صدمه وعيا يقبل العقل استماعه
مالنا غير الله المعبود دايم نلتجيله=يالله انك تغفر لنواف ولهمنا القناعه
ويالله اني طالبك يامنشيٍ وبل المخيله=تجعله في جنة الفردوس مع راع الشفاعه
ياسعد فقدت حر وعندك احرارٍ بديله=يومه الموعود لايمكن يؤجل عنه ساعه
وياخليل الحمل حان ولازم انك ترتكيله=عين ابوك تلد يمك والشجيع له الشجاعه
راح منهو يرتكي للحمل ياصقر ويشيله=وانته اليومه مكانه عندك الحمل وداعه
والله ان مافى اليدين عن القدر ياالربع حيله=ولالنا في قدرة الله ياهل العرف استطاعه

المشاركة الأصلية كتبت بواسطة محب الهيلا (المشاركة 501431) مشكور والله يرحمه ويسكنه جنات النعيم

المشاركة الأصلية كتبت بواسطة ابــن مـــنـــيـــع (المشاركة 501511) صح لسان شاعرها وسلمت يمين ناقلها قصيدة جزلة مشكور ولك اجمل التحايا

المشاركة الأصلية كتبت بواسطة مشعل الاسعدي (المشاركة 502659) الله يرحمه ويتغمد روحه الجنة ويكفيه الله من عذاب القبر ويجعله من الشهداء انشالله . ويسلم راس الشاعر وناقلها ولاهنت ياابن العم الغالي .

المشاركة الأصلية كتبت بواسطة شبيب شافي الملعبي (المشاركة 502912) لاهنت على النقل