يامرحبا والليل ياشبل المحاني لايروح=نبا نسولف والسوالف لاتزل احدودها
انا ادري انك فاللزوم اللازمه منت بشحوح=كانك تميز فالعلووم اصدورها وورودها

دام البقاء يالي ترحب عد براق ٍيلوح=سولف وابا سولف وجود الناس من ماجودها
انا احمد الله فالمواقف مانغيب ولانروح=نرسي كما مرسى جبال ٍ ماتلين احيودها

ترى العلوم اخذوعطى لكن سدك لايبوح=ياراعي النيه تراني عارف ٍ مقصودها
ترى السفينه ماشيه واللي ركبها اصحاب نوح=منته بقايدها ولونك بغيت اتقودها

ترى العلوم انواع فيها جد والاخرى مزووح=وانته تخير فالعلوم امزوحها وجدودها
اللي ركب وسط السفينه قوم مزحم والطلوح=اللابه اللي فالمواقف تعتزي بجدودها

الظاهر انك ماتعرف ان الدوى يبر الجروح=مالك ومال الحجه اللي باطلين اشهودها
حنا بنينا صرح عالي من خيارات الصروح=وانته تشب النار لكنه يدخن عودها

ياصاحبي عارف ماعندك غبوق ولاصبوح=حصلت لك خلفه ولكن ماتدر اديودها
انته بنيت البيت لكن ماسقفته بالسطوح=والناس يالروقي تراهم باذلين اجهودها